Solidariteit Helpende Hand se roeping is gemeenskapsontwikkeling. Dit is die hart van alles wat ons doen in die Pretoria-Oos-streek. Ons glo dat mense aan mekaar verbonde is en 'n verantwoordelikheid teenoor mekaar en hul gemeenskap het. Daarom werk ons doelgerig daaraan om die gemeenskap waarin ons leef te versterk, te ondersteun en volhoubaar te ontwikkel.

Helpende Hand is geskoei op die beginsels van die Afrikaner Helpmekaarbeweging van 1949 waar die fokus geval het op help, saam en ons. Jy is nie alleen nie – jy is deel van 'n gemeenskap wat omgee en saam bou. Om werklike en blywende verandering te bewerkstellig, skep ons strukture en bied ons praktiese oplossings vir die uitdagings waarvoor ons mense daagliks te staan kom.

In Pretoria-Oos streef ons na hierdie visie tot lewe met verskeie projekte en inisiatiewe wat reeds 'n tasbare verskil gemaak het. Van gemeenskapsuitreike en fondsinsamelings tot ondersteuning aan instansies en individue – elke projek dra by om die mooi van Pretoria-Oos uit te bou en hoop te skep waar dit die nodigste is.

Maar ons kan dit nie alleen doen nie.

Die Pretoria-Oos-streek het jou nodig. Die beste helpende hand bly dié aan die punt van jou eie arm – en daarom bemagtig ons mense om self deel van die oplossing te wees.

• Sluit vandag nog by een van ons takke aan.
• Raak betrokke by ons projekte.
• Help ons om 'n blywende verskil te maak.

Verken ons projekte en kyk hoe jy kan help om 'n verskil te maak:

Projekte

Saam bou ons. Saam help ons. Saam maak ons 'n verskil.